*ना. सुधीर मुनगंटीवार यांना डी.लिट. म्हणजे चंद्रपूरच्या शिरपेचात मानाचा तुरा*

*ना. सुधीर मुनगंटीवार यांना डी.लिट. म्हणजे चंद्रपूरच्या शिरपेचात मानाचा तुरा*

*अष्टपैलू व्यक्तिमत्व आणि अनोख्या कार्यशैलीवर पुन्हा एकदा शिक्कामोर्तब*

*यापूर्वी ना.मुनगंटीवार यांचा अनेक दिग्गज संस्थांकडून प्रतिष्ठित पुरस्कारांनी गौरव*

*चंद्रपूर, दि.०४ – राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांना डी.लिट. प्रदान होणे हा एका व्यक्तिचा नव्हे तर चंद्रपूर जिल्ह्याचा गौरव आहे. ना. श्री. मुनगंटीवार यांना महामहीम राज्यपालांच्या हस्ते डी.लिट. प्रदान झाल्यामुळे चंद्रपूर जिल्ह्याच्या शिरपेचात मानाचा तुरा खोवला गेला आहे, अशी भावना सर्वसामान्य नागरिकांकडून व्यक्त होत आहे.*

ना. श्री. सुधीर मुनगंटीवार यांनी लोकप्रतिनिधी म्हणून उत्तम कामगिरी केली आहे. विरोधी पक्षात असो की सत्तेत निरंतर शासनस्तरावर लोकाभिमूख निर्णय घेण्यापासून तर पर्यावरण संवर्धन तसेच सामाजिक क्षेत्रात देखील आपल्या कामगिरीचा ठसा त्यांनी उमटवला आहे. त्यांच्या चौफेर कामगिरीची आणि अष्टपैलू व्यक्तिमत्वाची विविध मान्यवर संस्थांनी प्रतिष्ठेचा सन्मान देऊन यापूर्वीही गौरव केला आहे. आता यात मानद डॉक्टरेटच्या (डी.लिट.) निमित्ताने यात अत्यंत महत्त्वाची भर पडली आहे.

गोंडवाना विद्यापीठाच्या ११ आणि १२ व्या दीक्षांत समारंभात राज्यपाल श्री. सी. पी. राधाकृष्णन यांच्या हस्ते बुधवारी (दि.२ ऑक्टोबर) ना. सुधीर मुनगंटीवार यांना मानद डॉक्टरेटने (डी.लिट.) सन्मानित करण्यात आले. सदैव चंद्रपूर जिल्ह्याच्या सर्वांगीण विकासासाठी प्रयत्नशील असलेले ना. श्री. मुनगंटीवार यांना हा सन्मान प्रदान होत असताना चंद्रपूरची मान देखील अभिमानाने उंचावली होती, अशी प्रतिक्रिया सर्वसामान्य नागरिकांमधून उमटत आहे.

*अशी कामगिरी…*

ना. श्री. मुनगंटीवार यांनी संसदीय आयुधांचा उपयोग करून राष्ट्रसंत तुकडोजी महाराज नागपूर विद्यापीठाचा नामविस्तार केला. वैराग्यमूर्ती गाडगेबाबा अमरावती विद्यापीठाचा नामविस्तार होण्यातही ना. मुनगंटीवार यांचा सिंहाचा वाटा आहे. पुणे विद्यापीठाला क्रांतीज्योती सावित्रीबाई फुले यांचे नाव देण्यात यावे, यासाठी त्यांनी केलेल्या संसदीय पाठपुराव्याला मोठे प्राप्त झाले. याशिवाय वीर बाबुराव शेडमाके, संत जगनाडे महाराज, महाराष्ट्र भूषण स्व. बाबा आमटे यांच्या स्मरणार्थ डाक तिकीट प्रकाशित होण्यासाठी ना. मुनगंटीवार यांनी केलेला पाठपुरावा सर्वश्रुत आहे.

*असा गौरव…*

ना. श्री. मुनगंटीवार १९९९ मध्ये पहिल्यांदा आमदार झाले आणि पहिल्याच टर्ममध्ये उत्कृष्ट आमदार पुरस्काराने गौरविण्यात आले. साधारणतः पहिल्या टर्ममध्ये हा पुरस्कार क्वचितच मिळतो. हा पुरस्कार तत्कालीन राज्यपाल श्री. पी.सी. अलेक्झांडर व तत्कालीन मुख्यमंत्री श्री. विलासराव देशमुख यांच्या हस्ते या पुरस्काराने गौरविण्यात आले होते.

*असे पुरस्कार*

– अंध कल्याण क्षेत्रात केलेल्या उत्कृष्ट कार्याबद्दल नॅशनल असोसिएशन फॉर द ब्लाइंडतर्फे ‘जी.एल. नरडेकर मेमोरियल’ पुरस्कार

– दि सीएसआर जरनलच्या वतीने ‘गुड गव्हर्नन्स’ पुरस्कार. केंद्रीय संरक्षण मंत्री श्री. राजनाथ सिंग व मुख्यमंत्री श्री. एकनाथ शिंदे यांच्या हस्ते गौरव

– दै. लोकमतचा ‘महाराष्ट्रीयन ऑफ द इयर’ पुरस्कार

– नाशिकच्या दीडशे वर्षे जुन्या वाचनालय समितीकडून ‘अष्टपैलू राजकारणी’ म्हणून गौरव

– ४ लिम्का रेकॉर्ड, लक्षावधी दिव्यांनी ‘सियावर रामचंद्र की जय’ ही अक्षरं साकारल्याबद्दल तसेच ‘ग्रीन भारतमाता’ साकारल्याबद्दल २ गिनेस बुक ऑफ द रेकॉर्ड

– विक्रमी वृक्षलागवडीसंदर्भात मा. पंतप्रधान श्री. नरेंद्रजी मोदी यांच्याकडून ‘मन की बात’मध्ये विशेष उल्लेख व कौतुक

– ना. सुधीर मुनगंटीवार यांच्या कार्यालयाला देशामधील पहिला आयएसओ दर्जा

*बेस्ट फायनान्स मिनिस्टर*

वित्तमंत्री म्हणून त्यांनी केलेली कामगिरीसाठी आज तक व इंडिया टुडेकडून ‘बेस्ट फायनान्स मिनिस्टर इन इंडिया’ हा पुरस्कार ना. श्री. मुनगंटीवार यांना प्रदान करण्यात आला होता. स्व. अरुणजी जेटली यांच्या हस्ते त्यांना गौरविण्यात आले. स्वातंत्र्यानंतर ११९७५ कोटी महसुली आधिक्य असणारा अर्थसंकल्प त्यांनी देशाला दिला होता. देशात आजपर्यंत कोणत्याही अर्थमंत्र्याला हे शक्य झालं नव्हतं. ते ना.सुधीर मुनगंटीवार यांनी करून दाखवलं. त्याचीच दखल घेण्यात आली होती.